UNESCO yanındakı daimi nümayəndəliklər üzv dövlətlərin hökumətləri və UNESCO Katibliyi arasında əlaqəni təmin edir. Hal-hazırda 174 ölkə UNESCO yanında daimi nümayəndəliklərini yaratmışlar.
     Bundan əlavə UNESCO yanında 2 daimi müşahidəçi, o cümlədən 10 Hökümətlərarası təşkilatın daimi müşahidəçi missiyası vardır.
     Daimi nümayəndəliklərə diplomatik statusu olan şəxslər (əksər hallarda səfirlər) başçılıq edir.
     Təşkilat yanında daimi nümayəndə təyin edildikdə, üzv dövlət rəsmi olaraq Təşkilatın Baş-Direktoruna müraciət edir.
     Daimi Nümayəndəliklərlə mütamadi olaraq Təşkilatın funksiyaları və fəaliyyəti ilə bağlı məsələlərə dair məsləhətləşmələr aparılır.